AUTHORITY - MY WAY OF DEALING WITH IT

I am an anarchist. I do not believe in "archein" (in governing or control over others). "Anarchy" (an-archein, no power over others) was the connecting principle of early human societies in which there was no authority, no chief (no caput (head) to give orders, no ruling class of authority figures that that controlled stupid commoners.
I do not believe in people who believe that they were given "power over others" by authority figures in a transcendental realm. I do not believe that human beings were ever ordered to obey orders.
From studying the history of human societies I learnt to believe in equality.
I  am an anarchist.

I  am an ANARCHIST. Was das für miich heisst, säg ich waarschiinlich am beschte uf tüütsch. Es gaat ja drum z erchlääre wie und werum ich sächzg Jaar pruucht hän zum leere mit AUTORITääääääT umgaa. 

Ich bin dezue abgrichtet worde z folge. GEHORSAM IST DES BÜRGERS ERSTE PFLICHT.Vater und Mueter händ befole. D Leerer händ befole. De Pfarrer hät befole. De Polizischt hät nie möse befele, mit dem hän ich nie öppis z tue ghaa. Da hän ich einewäg immer gfolget. Probleem häts eigentli ersch gää, wo im Militärdienscht d Offizier befole händ. Ich hän nämli i de "teenager"-Jaar au gleert z fröge: WERUM? Ich hän bi alem won ich het sele mache wele wüsse, werum ich das mache. Und säb händ doozmal i de Schwiizerische Militärarmee d Offizier gar nöd geern ghaa. En richtige Soldaat hät z folge und nöd zfrööge. Die dreihundertdreiedriisg Diensttaag won ich bi dem Verein zwangsverpflichtet gsii bin sind für miich e ganz und gaar schrecklichi Erfaarig gsii. Glücklicherwiis bin ich scho mit föifezwänzgi dienschtuntauglich woorde, en bööse Rugge!Und dänn hän ich Gschicht studiert a de Uni. Ich hän deet fliissig gleert was mer mir verzellt hät: Jaaresdaate, Königsliischte und Schlachteliischte - vo 333v.Chr (Alexander) bis 1943 (Hitler). Und ich hän natüürli au deet immer gfröget. Nöd de Profässer, dää het mis "werum" nöd goutiert. Gfrööget hän ich miich sälber: 

Werum isch Gschicht vu de letschte dreituusig Jaar en unändlichi Liischte vu Chrieg? Werum di letschte dreituusig Jaar? We isch es dänn vorane gsii? D Antworte won ich vor vierzg Jaare i de Büecher gfunde hän: Das isch immer esoo gsii. De Mänsch isch halt ebe e chriegerisches Wäse, en Mörderaff!

Und dänn - das isch lang nach em Studium gsii - bin ich au uf Büecher gstoosse, wo öppis anders gseit händ: Mir Mänsche sind nöd Mörderaffe, mir sind im Gegeteil di soziaalschte Tier wos git. Sid vor sächs Millione Jaar die eerschte Primaate uf d Hinderbei gschtande sind und gleert händ i de Savanne sich ame Laagerplatz träffe und deet ires Fueter mitenand teile, ischs Zämesii für öiseri Voorfaare s wichtigscht gsii. 

Bim ZÄMESII  sind Mänsche Mänsche woorde und händ gleert mit Singe und Tanze mitenand Fäscht fiire. De Afang vu Religion. Dadebii isch es sächs Millione Jaar lang nöd um irgend en Glaube gange, sondern ebe - immer ums Mitenand. Sich mitenand in en aagnäämi Stimmig bringe, deet hät Religion aagfange.

I dene Mänschegruppe häts kei AUTORITÄT  gää. Niemer hät befole und niemer hät Ghoorsam chöne erzinge. Es git au hüt na i chliine Jeger und Sammler Gsellschafte niene en HÄUPTLING. Und scho gaar nöd eine wo befilt.

Me seit dene soziale Struktuure: REGULIERTE ANARCHIE. Gsellschafte ooni Füerer, ooni Chopf - akephal! Da sind autonomi Individue inere Oornig zäme gsii, wo nöd vu obe choo isch, sondern in einere, wo si sich sälber bim Zämesii erschaffe händ. 

Das isch ersch anders woorde, wos vor e paar tuusig Jaar sässhaft worde sind und aagfange händ, sich we Chüngeli z vermeere. Da häts dänn nöii Organisationsforme für öisi Gsellschafte pruucht. S hät di erschte Spezialischte fürs gemeinam Ritual gää: Prieschter wo befole händ. Und die händ dänn die erschte Autoritääte in Himmel uf gsetzt, wils ja iri MACHT  händ möse absichere.

Ersch vor öppe drüütuusig Jaar sind dänn HERRSCHAFTS-RELIGIONE  entstande, wos Folge s wichtigscht überhaupt isch. D Sünd isch i d Wält cho, wil d Eva "ungehorsam" gsii isch. D Prieschter händ d Waret erfunde, si händ als einzigi en tiräkte Draat zum GOTT ghaa, und was sii verkündet händ isch sälpferstäntli nöd i irne Chöpf entstande, sondern tiräkt vum Gott diktiert. Und s gaat i allne Gsellschafte wo settigi Herrschafts- religione sich verbreitet händ immer um Macht über anderi, um Kontrole vu dene obe über die wo une sind.

Ich bin bim Studium vu de soziale Evolution zum überzüügte ANARCHISCHT  woorde. Nur inere Gmeinschaft wos kei MACHT  über anderi me git, chönnted vilicht d Mänsche leere mitenand kommuniziere. 

Ich hän zu dem Thema emal e Reie vu Vorläsige gschribe:
LUCY - WIE AUS GESCHEITEN AFFEN DUMME MENSCHEN WURDEN   - 
MENSCH UND SPRACHE  - ÜBER DIE EVOLUTION DER MENSCHEN-SPRACHE 
HOMO HOMINI LUPUS - EINE GESCHICHTE DER GEWALT
 
 

TEXTE: 
FRÜHGESCHICHTE
SOZIOLOGIE
ANTHROPOLOGIE
 
 

 

HOME  BOE SALTEXTE